Plantun de Prouvènço

Pèr coumpara dos planto d'encò nostre

Halimione portulacoides & Abies grandis

Fraumo

Halimione portulacoides

Amaranthaceae Chenopodiaceae

Autre noum : Bourtoulaigo-de-mar.

Noms en français : Arroche faux pourpier, Obione faux pourpier.

Descripcioun :
La fraumo o bourtoulaigo-de-mar es uno planto coumuno, coulour d'argènt, que trachis en ribo de mar e dins la sansouiro. Li fueio soun óupousado, poupouso e en formo de lanço.

Usanço :
Li fueio, salado, an un goust agradiéu, e soun tras que bono en ensalado o cuecho coume de liume. Es uno bono erbo peréu pèr la bouvino.

Port : Pichoto planto lignouso
Taio : 20 à 80(150) cm
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Halimione
Famiho : Amaranthaceae
Famiho classico : Chenopodiaceae

Coulour de la flour : Jauno
Petalo : ges
Ø (o loungour) flour : 2 mm
Flourido : Estiéu - Autouno

Sòu : NaCl
Autour basso e auto : Pancaro entresigna
Aparado : Noun

Liò : Sansouiro - Mar
Estànci : Termoumediterran à Mesoumediterran
Couroulougi : Bourealo
Ref. sc. : Halimione portulacoides (L.) Aellen, 1938

Sapin(-grandaras)

Abies grandis

Pinaceae

Àutri noum : Sap, Sapino, Sapi, Abet.

Noms en français : Sapin géant, Sapin de Vancouver.

Descripcioun :
Lou sapin-grandaras trachis naturalamen en Califournìo. En Franço es esta planta pèr lou rebouscage, mai n'i'a quàsi pas en Prouvènço. Sèmblo à nosto sapino, Abies alba, emé lis aguio dins lou meme plan, pamens li fueio soun mai longo (> 4 cm). N'i'a peréu de courteto. Li bourrroun soun resinous e li pigno soun à bratèio dedins. Coumpara emé lou sapin dóu nostre e emé la serento que li pigno pendoulon.

Usanço :
Dèu agué li mémis usanço que la sapino.